DÍA ESCOLAR POLA PAZ

Este venres celebramos todos xunt@s o Día Escolar pola Paz.

Aproveitando que lucía o sol saímos ao patio descuberto onde cada alumno/a foise colocando no lugar que lle correspondía en función da cor da camiseta que levaban. Unha vez sentad@s no patio quedaron debuxados no chan os aros olímpicos.

Daba comezo o noso acto coa lectura da tregua olímpica, elaborada por todo o alumnado, na que se recollen os compromisos de boa convivencia para a nosa escola. Seguidamente os nenos e nenas de 6º tocaron á frauta o himno da alegría e os de 5º interpretaron e bailaron "Apertas que voan" de Paco Nogueiras.

Ao final do acto todas e todos bailamos e cantamos mentras cinco globos ondeaban no ceo representando os cinco aros olímpicos.