FESTA POPULAR 50 ANIVERSARIO

Festexouse cunha gran festa o 50 aniversario do colexio ,o público gozou coas diferentes actuacións. Asistiron importantes persoas como o conselleiro de educación e o alcalde de Santiago. Aquí tedes un video no que poderedes ver esta marabillosa celebración. ESPERAMOS QUE VOS GUSTE!!!

EXPOSICIÓN 50 ANIVERSARIO

Neste video podedes ver o bonita que quedou a exposición , para festexar o 50 aniversario do colexio. Esperamos que vos guste e moitas grazas a todas as familias que a foron ver.

SEMANA CULTURAL

 Que ben o pasaron os nenos e nenas durante a semana cultural  ( do 11 o 15 de xuño), cun nivel alto de participación. Houbo radio en directo, xogos tradicionais, contacontos, zumba, actuacións musicais , carreira solidaria... Aquí neste video podedes ver un resumo das actividades.

LETRAS GALEGAS 2018

Para festexar o Día das Letras Galegas os nenos e nenas do cole fixeron unha actividade que consistiu en escribir nunha silueta unha palabra en galego que lles gustase moito. Logo colgaronse polos corredores de todos os pisos e nas ventás.

Hoxe tivemos a actuación de Paco Nogueiras  no patio exterior. Que ben o pasaron todos bailando e cantando as cancións de Brincavai!!!

DÍA DO LIBRO

Para festexar o DÍA DO LIBRO  ( 23 de abril) fixeronse varias actividades  : o mural  " as árbores dos libros " onde os nenos e nenas de infantil e 1º de primaria escribiron dentro dunha folla o título dun libro e valoraron canto lles gustou. O mural " nos somos lectores" onde os nenos e nenas de 2º a 6º de primaria escribiron en folios de cores o título dun libro e a súa opinión persoal. Onte e hoxe cada neno/a poido  levar un libro para casa, e sairon a carballeira para ler  distintos contos  ,a actividade titulouse " apadriña un lector"( os nenos de cursos superiores len un conto aos alumnos de cursos inferiores). Aqui podedes ver varias fotos.

ÁRBORES E PLANTAS GALEGAS

Os nenos e nenas de 4º B de primaria investigaron sobre as árbores e plantas que hai en Galicia. Con todo o recollido fixeron unha exposición . Aquí podedes ver que bonito  lles quedou. Canto traballaron!!!

8M DÍA INTERNACIONAL DA MULLER TRABALLADORA

Hoxe reunímonos alumnos e profesores no patio do colexio para conmemorar este día. Moitos grupos fixeron pancartas para pedir a igualdade de mulleres e homes na sociedade. Aqui podedes ver algunhas fotos .