AGASALLO NO DÍA DE ROSALÍA DE CASTRO(24 DE FEBREIRO)

Durante esta semana, e seguindo a proposta da AELG (asociación de escritores e escritoras en lingua galega) os nenos e nenas do colexio traballaron na elaboración dunha postal en torno á figura de Rosalía de Castro.

O mércores 24 de febreiro, despois de poñer enderezos e selos de correos, a rapazada foi depositando a súa postal nun buzón que máis tarde sería depositado na oficina de correos para que  as familias reciban nas súas casas o "agasallo rosaliano" personalizado dos seus fillos/as.

XA TEDES NA CASA O VOSO AGASALLO????

O ENTROIDO OLÍMPICO

A mañá do 5 de febreiro enchimos a rúa de cor saíndo cos nosos disfraces e deixando as aulas baleiras para disfrutar coas familias e veciñ@s deste antroido olímpico. Disfrutamos coa calor do sol e coa calor que nos demostrou toda a xente que nos acompañou durante o desfile que fixemos por algunhas das rúas do barrio.

Grazas veciñ@s pola vosa acollida e grazas familias pola vosa colaboración na escolla e elaboración de disfraces para os vosos fillos e fillas.