DÍA DA POESÍA

               O 21 de marzo conmemorouse o Día da Poesía , fixéronse distintas actividades : a todo o alumnado mandóuselle unha poesía en galego para colocar polo barrio ou  nalgunha rúa da cidade, podíase quitar unha foto e enviala a un correo da biblioteca que se indicaba. Outra actividade consistiu en facer un mural pegando barcos de papel , xa que a poesía  que se traballou en educ. infantil trataba sobre un barco.

8 MARZO DÍA INTERNACIONAL DA MULLER

        Hoxe todo o alumnado reuniuse no patio exterior para conmemorar o Día Internacional da Muller. Nas aulas escribiuse nunha camiseta branca, palabras , frases ou debuxos relacionados con esta temática. Fixéronse pancartas e algúns cursos compartiron cos demáis utilizando o altavoz as súas frases ou palabras elexidas .

ENTROIDO 2019

             Festexouse o ENTROIDO no cole este ano relacionado co proxecto que estamos a traballar durante o curso " Lolo coñece Galicia". O alumnado divertiuse toda a semana seguindo as ordes do meco - xeneral do Ulla. O venres o desfile tivo moito éxito e todo o profesorado  recibiu moitas felicitacións pola boa organización e o bo traballo .
 Aquí podedes ver un pequeno video.

ACTIVIDADES SOBRE ROSALÍA DE CASTRO

                         Esta semana fixéronse moitas actividades sobre Rosalía de Castro, o  24 de febreiro celébrase o seu día. Todo o alumnado decorou, recortou e pegou un marcapáxinas que levaron a casa, nas aulas traballáronse poemas da escritora e se ilustraron  con debuxos e retratos.  Hoxe algúns cursos se desplazaron ata  a praza de vigo para  ler , recitar ou cantar algúns dos seus poemas máis importantes, nun acto para homenaxear a Rosalía.

Aquí tedes un pequeno video das actividades feitas, esperamos que vos guste!!!

PAZ 2019

Hoxe festexouse o DÍA DA PAZ no colexio. Cantáronse tres cancións no patio, a de educación infantil foi " Cantarela dos nenos" que tamén se interpretou en lingua de signos. Ademáis fíxose un mapa do mundo xigante coa participación de todo o alumnado e intercambiáronse botellas con mensaxes de paz para todos. Aquí podedes ver un pequeno video dos traballos feitos .

XA CHEGOU O NADAL!

            Pedíuse a colaboración das familias para decorar o colexio . O alumnado trouxo bastóns e piruletas feitas con todo tipo de material que se puxeron  penduradas polos corredoiros e nas ventás, tamén se decoraron as portas e a entrada cun gran mural e unha árbore con luces. Houbo intercambio de postais entre os nen@s, cantáronse  panxoliñas  e cantigas de Nadal polas aulas, tivemos un espectáculo de  maxia para o alumnado de infantil  e tamén pasaron polo cole os Reis Magos. 

                               

No video podedes ver como estaba de bonito o colexio. 

                                                                

OUTONO FOTOGRÁFICO

                             Pedimos a colaboración das familias para facer un outono fotográfico. Os alumn@s trouxeron fotos relacionadas con esta estación e con todas elas fixemos unha gran exposición. Houbo un nivel moi alto de participación, Grazas a tod@s .